Pages

Wednesday 28 November 2012

ဗိုလ်ချုပ်ကြီး စိုးဝင်းနှင့် အဖွဲ့တရုတ်သို့သွားရောက်စဉ်က အထူးတပ်ဖွဲ့ဝင်များ ခင်ကျင်းပြသထားသော တွေ့ရှိသမျှ လက်နက်ငယ်များအကြောင်း

၂၀၁၂ ၊နိူဝင်ဘာလ(၁၄)ရက်နေ့ကဒုတိယတပ်မတော်ကာကွယ်ရေးဦးစီးချုပ်၊ကာကွယ်ရေးဦးစီးချုပ်(ကြည်း) ဗိုလ်ချုပ်ကြီး စိုးဝင်းနှင့် အဖွဲ့တို့  ချန်ဒူး(Chengdu )စစ်ဒေသကြီး လက်အောက်ခံ၊ အထူးစစ်ဆင်ရေး တပ်မဟာ တပ်စခန်း Special Combating Brigade သို့ ရောက်ခဲ့တာကို မြဝတီ ဖေ့ဘုတ်မှာ ပုံတွေတင်ထားတာ တွေ့ကြရမှာပါ ။ ကျွန်တော်လည်း အဲဒီပုံတွေကိုပဲ ကြည့်ပြီး သူတို့ ဘာတွေ ခင်းကျင်းပြလိုက်သလဲဆိုတာပဲ ရေးရမှာပဲ ။ 

တရုတ်တို့ထုံးစံအတိုင်း QBZ တွေကိုပဲထုတ်ပြတာပေါ့နော် ။ သိတဲ့အတိုင်း Bullpup ဒီဇိုင်း QBZ တွေဟာ သိပ်ကောင်းတဲ့ လက်နက်ငယ်မျိုးဆက်တစ်ခု ။ Bullpup အကောင်းဆုံး ၁၀ မျိုးဝင်မျိုးစိတ်တစ်ခုဖြစ်ပါတယ် ။QBZ 95 အတွက် 5.8×42mm DBP87 နဲ့ QBZ 97 အတွက် 5.56x45mm NATO ကျည်သုံး ချေမှူန်းရေး ရိုင်ဖယ်ပေါ့ဗျာ ။နော်ရင်ကို( Norinco) လို့ ခေါ်ကြတဲ့ China North Industries Corporation ကပဲ ထုတ်ခဲ့တဲ့ ကောင်လေးပေါ့ ။

QBZ 95 ရယ် QBZ 95Bရယ်ဆိုတာ ရှိတယ် ။ QBZ 95B ကတော့ ကာဘိုင်အမျိုးအစားပဲ ။ 95 နဲ့ ဘာကွာသလဲ မေးရင် မြန်မာလက်နက်ငယ်မှာ အမ်အေ ၁ နဲ့ အမ်အေ ၃ ကွာသလိုပါပဲ ။ အလျားတိုတာပဲ ရှိပါတယ် ။

 QBZ 95 ကတော့ 5.8×42mm DBP87 ကျည်သုံးတယ် ။
QBZ 95 ကတော့ ၇.၂ ပေါင်(၃.၂၅ ကီလိုဂရမ်) လေးပြီး သေနတ်တစ်ခုလုံး အရှည် ၂၉.၃ လက်မ(၇၄၅ မီလီမီတာ ) အရှည်နဲ့ ပြောင်းအလျား ၁၈.၂ လက်မ(၄၆၃ မီလီမီတာ) အလျား ရှိပါတယ် ။ယမ်းငွေ့အားသုံးမောင်းပြန်ရိုင်ဖယ်စနစ်ပဲဖြစ်ပါတယ် ။ပြောင်းထွက်ရှိန် ၉၃၀ မီတာ/စက္ကန့် ( တစက္ကန့်ကို ၃၀၅၀ ပေ )ဖြစ်ပါတယ် ။တမိနစ်ကို ကျည် ၆၅၀ ဆက်တိုက်ပစ်ခတ်နိုင်ပါတယ် ။


QBZ 95B ကတော့  ၇.၂ ပေါင်(၃.၂၅ ကီလိုဂရမ်)လေးပြီး သေနတ်တစ်ခုလုံးအလျားက ၂ ပေ အတိ(၆၀၉ မီလီမီတာ ) နဲ့ ပြောင်းအလျား  ၁၄.၅ လက်မ (၃၆၉ မီလီမီတာ ) အရှည်ရှိ ပြီး ပြောင်းထွက်ရှိန် ၇၉၀ မီတာ/စက္ကန့်(တစက္ကန့် ပေ ၂၅၈၁ ) ဖြင့် တမိနစ်ကို ကျည်၈၀၀ ဆက်တိုက် ပစ်ခတ်နိုင်ပါတယ် ။



အဲဒီမှာ တစ်ခုရှိပါတယ် QBZ 97 ဆိုတာ ပါပဲ ။ 95 တွေနဲ့ ဘာကွာလဲ ဆိုတာတော့ သိပ်မကွာပါဘူးခင်ဗျ ။ဒါပေမယ့် သူက ပိုပြီး standard gun ဖြစ်လာပုံရပါတယ် ။ဘာလို့လည်းဆိုတော့ QBZ 97 ကတော့ 5.56x45mm NATO ကျည် သုံးလာပြီး ကျည်တောင့် ၃၀ ဆံ ကျည်အိမ်ကိုတော့ STANAG ကျည်အိမ် သုံးထားပါတယ် ။သူ့ရဲ့ အရည်အသွေးတွေကတော့ ၇.၄ ပေါင်(၃.၃၅ ကီလိုဂရမ်) ဖြစ်ပြီး သေနတ်တစ်ခုလုံး အလျားကတော့ ၂၉.၈ လက်မ(၇၅၈ မီလီမီတာ) ရှိပါတယ် ။ပြောင်းအလျား ၁၉ .၃ လက်မ( ၄၉၀ မီလီမီတာ) ဖြစ်ပါတယ် ။တတောင့်ချင်းပစ် အတွဲလိုက်ပစ်အပြင် အတွဲတို ၃ ချက်ပစ် စနစ်လည်း ထည့်သွင်းထားပါတယ် ။
QBZ 95 နဲ့ QBZ 97 တို့၏ သိသာသော ခြားနားခြင်းများ

နောက်တစ်ခုကတော့ QBB 95 ချေမှူန်းရေး စက်သေနတ် ဖြစ်ပါတယ် ။QBZ 95 ကို မူတည်ပြီး ထုတ်ခဲ့တာပဲဖြစ်ပါတယ် ။ပြောင်းအလျားပိုရှည်တဲ့ စက်သေနတ်ဖြစ်ပါတယ် ။နော်ရင်ကို ကပဲ ထုတ်ခဲ့တာဖြစ်ပြီး သေနတ်တစ်ခုလုံးအလျား ၃၃.၁ လက်မ(၈၄၀ မီလီမီတာ) ဖြစ်ပြီး ပြောင်းအလျားကတော့၂၃.၆ လက်မ(၆၀၀ မီလီမီတာ) ရှိပါတယ်။အလေးချိန်ကတော့ ၃.၉၅ ကီလိုဂရမ် လေးပါတယ်  ။၅.၈x၄၂ မမ DBP87 ကျည် အသုံးပြုပါတယ် ။ကျည်အိမ်ကိုတော့ ၃၀ ဆံကျည်အိမ်အပြင် အတောင့် ၈၀ ဆံ ကျည်ဘောက်အဝိုင်းနဲ့လည်း တွဲသုံးပါတယ် ။ထိရောက်မှူအကွာအဝေး မီတာ ၆၀၀ နဲ့ ၈၀၀ ဖြစ်ပြီး ပြောင်းထွက်ရှိန် ၉၇၀ မီတာ/စက္ကန့်( တစက္ကန့် ၃၁၈၁ ပေ) ဖြစ်ပါတယ် ။မောင်းပြန်နည်းပညာကတော့ QBZ 95 လိုပဲဖြစ်ပါတယ် ။

QBB 95 light support weapon


QBZ အကြောင်းကွန့်နေရင် စာရှည်သွားမှာမို့ လေ့လာရေး သွားတုန်းက ခင်းပြလိုက်တဲ့ ပုံတွေ ထဲက ကောင်လေးတွေကိုပဲ ရေးလိုက်ပါတော့မယ် ။ တရုတ်မှာအသုံးများတာကတော့ ၅.၈ x ၄၂ မမ သုံး QBZ 95 တွေနဲ့ 95 B တွေ ဖြစ်ပါတယ် ။

နောက်တစ်ခုကတော့ ခင်ကျင်းပြသတဲ့ အထဲကမှ ပုံစံ ၀၅ (၅.၈ မမ ကျည်သုံး စက်သေနတ်ကလေး) ဖြစ်ပါတယ်
QCW ပုံစံ ၀၅ (၅.၈ မမ စက်သေနတ်ကလေး)

ဒီQCWType05 တွေကတော့ယခင်ပုံစံ၈၅စက်ကလေး(ကျွန်တော်တို့ဆီက နေဝင်းစတင်းလို့ခေါ်တဲ့ကောင်တွေနဲ့ ခပ်ဆင်ဆင်)နေရာမှာ အစားထိုးလာတဲ့ ကောင်ဖြစ်ပါတယ် ။ဒီကောင်ကတော့ QBZ 95 နဲ့ အတွင်းပိုင်းဖွဲ့စည်းမှူ အတူတူပါပဲ ။ ထူးခြားတာကတော့ အလူမီနီယံ ပြောင်း ပဲဖြစ်တယ် ။QBZ တွေ နဲ့သူ့မျိုးဆက်အားလုံးရဲ့ ကိုယ်ထည်ဟာ Polymer ပဲဖြစ်ပါတယ် ။ဂျာမာန် ရဲ့ HK MP5 ကို အတုယူပြီး ထုတ်လုပ်ထားခဲ့တာဖြစ်ပါတယ် ။ Jianshe Industries Group ကထုတ်လုပ်ခဲ့ပြီး 5.8x21 (DAP92-5.8) ကျည် အသုံးပြုပစ်ခတ်ပါတယ် ။ကျည် ၅၀ ဆံ ၂ တောင့်ပြိုင်ထည့် ၂ တန်းဖြစ်တဲ့ (four-row) ကျည်အိမ် တပ်ဆင် အသုံးပြုပါတယ် ။ ၂.၂ ကီလိုဂရမ် အလေးချိန်ရှိပြီး မီလီမီတာ ၅၀၀ အတိ ရှိကာ  ပြောင်းထွက်ရှိန် ၁၅၀ မီတာ/စက္ကန့် ထိရောက်မှူ မီတာ ၁၅၀- ၂၀၀ ထိရောက်စွာ ပစ်ခတ်နိုင်ပါတယ် ။
QCWType05

လေးမြောင်း(4-row)ကျည်အိမ်အတွင်းပိုင်း



ဒီ QCW ပုံစံ ၀၅ တွေက အမှတ်မဲ့ကြည့်ရင် JS 9 မမ စက်သေနတ်ကလေးနဲ့ ဆင်ပါတယ် ။ဒီတော့ JS 9မမ စက်သေနတ်ကလေး အကြောင်းလည်း လမ်းကြုံလို့ပြောပါအုံးမယ် ။

JS ၉ မမ စက်ကလေး

 JS ၉ မမ စက်ကလေးအကြောင်းပြောပါ့မယ်။သူကလည်း ပုံစံ ၀၅ နဲ့ထူးမခြားနားပဲဖြစ်ပါတယ်။
 JS လို့ခေါ်ရတာကတော့ ကျန်းရှယ် စက်မှူဇုန်(Jianshe Industries Group )က ထုတ်လို့ပါပဲခင်ဗျ ။၉ မမ ကျည် အသုံးပြုပစ်ခတ်ရပြီး ကျည် ၂၀ (သို့မဟုတ်) ၃၀ ဆံကျည်အိမ်တို့တပ်ဆင် ပစ်ခတ်လို့ ရပါတယ် ။တတောင့်ချင်းရော အတွဲလိုက်ရော ပစ်ခတ်လို့ရပြီး ၉x၁၉ ကျည်ဖြစ်တဲ့ DAP 92-9 ကျည် အဓိကအသုံးပြုပစ်ခတ်နိုင်ပြီး ၉ မီလီမီတာ ကျည်များဖြစ်တဲ့ လူဂါ(Luger) ၊ ပါရာ(PARA) တို့ရဲ့ ကျည်များနဲ့လည်း အသုံးပြုနိုင်ပါသေးတယ် ။ သာမာန် အလေးချိန်ကတော့
၂ ကီလိုဂရမ်သာ အလေးချိန် ရှိပါတယ် ဆိုင်လင်ဆာ သို့မဟုတ် Suppressor တပ်ဆင်တဲ့အချိန်မှာတောင် ၂.၄ ကီလိုသာ လေးပါတယ် ။သေနတ်တစ်လက်လုံး အရှည်ဟာ ၄၅၀ မီလီမီတာ သာ ရှိပြီး ပြောင်းထွက်ရှိန်
၃၂၁ မီတာ/စက္ကန့် ရှိပါတယ် ။ စမ်းသပ်ချက်များ နှင့် တိုက်ပွဲ အတွေ့အကြုံများအရဆိုလျှင် မီတာ ၅၀ အတွင်းမှာ ၅၀ မီလီမီတာ အထူ သစ်သားနဲ့ စတီးဟဲလ်မတ်ကိုတောင် ဖောက်နိုင်တယ်လို့ ဆိုပါတယ် ။
ထိရောက်မှူ အကွာအဝေးကတော့ မီတာ ၁၀၀- ၁၅၀ ဖြစ်ပါတယ် ။


နောက်တစ်ခုကတော့ QSZ 92 ပစ္စတို ပဲဖြစ်ပါတယ်

ဒီကောင်ကလည်း အပေါ်က ပုံစံ ၀၅ နဲ့ ဂျေအက်စက် လိုမျိုးပဲ ၉ မီလီမီတာနဲ့ ၅.၈ မီလီမီတာ ဆိုပြီး နှစ်မျိုးလာတယ် ။ ၀.၇၆ ကီလိုဂရမ် သာလေးပြီး  ၁၉၀ မီလီမီတာ အရှည်ဖြစ်ပါတယ် ။ပြောင်းထွက်ရှိန်တွေကတော့  ၃၅၀ မီတာ/စက္ကန့်ဖြစ်ပါတယ် ။ ၉x ၁၉ မီလီမီတာ ကျည်နဲ့ဆိုလျှင် ၁၅ တောင့်ဆံ ကျည်အိမ် အသုံးပြုပြီး ၅.၈ မီလီမီတာ DAP 92 ဆိုလျှင် ကျည် ၂၀ ဆံကျည်အိမ် အသုံးပြုပါတယ်။ပြောင်းလည်ပင်းမှာတော့ဓါတ်မီးငယ်၊ လေဆာရောင်စဉ်တန်းအိမ်တို့တပ်ဆင်ဖို့ မြောင်းရှိပါ
တယ် ။မောင်းခလုတ်ကို၂ဆင့်ဆွဲအသုံးပြုနိုင်ပါတယ် ။QSZ 92(9 မမ)ထက်စာရင် QSZ 92(၅.၈ မမ) ဟာ ဒေါင့်ချိုးတွေမှာ အနည်းငယ် လုံးတာကို မသိမသာ တွေ့ရပါတယ် ။ဒီကောင်တွေကို နော်ရင်ကိုကထုတ်လုပ်ပြီး ၁၉၉၄ မှာ တရုတ်တပ်မတော်နဲ့ရဲတပ်ဖွဲ့တွေမှာ တပြိုင်တည်း တပ်ဆင်ပေးခဲ့တာဖြစ်ပါတယ် ။

QSZ 92 (9 မမ)


QSZ 92(5.8 မမ)





တရုတ်ရဲတပ်ဖွဲ့ဝင်များအား QSZ 92 များနှင့် တွေ့ရစဉ်




QSZ 92(5.8 မမ) အားဆိုင်လင်ဇာတပ်ဆင်ထားစဉ်
(မှားယွင်းချွတ်ချော်မှူ ရှိပါက စာရေးသူ၏ လေ့လာမှူ အားနည်းခြင်းကြောင့်သာ ဖြစ်ပါသည် )

No comments:

Post a Comment